નગર જામની મજા અનેરી

નગર જામની મજા અનેરી,
અસર ફરો તો થશે ઘનેરી,
રક્ષાની પાંખો ત્રણેનો લાભ શહેરને મળતો,
અહીં આવી અંબાણીએ ઉદ્યોગ કર્યો ધમધમતો,
વખણાંય અહીંનાં સુરમો, કંકુ, કાજળ બહુ,
પહેરે અહીંની બાંધણી ભાભી, નણંદ ને સાસુ વહુ,
શિક્ષા તબિબિ અહીં ઊંચેરી,
નગર જામની મજા અનેરી,
જામનગરની ઓળખ બીજી કાશી છોટું,
શાનો–શૌકત આ શહેરની છે લાખોટું,
... એવું નહીં કે લોક ફ્કત વેપાર કરી જ જાણે,
દુનિયા વિનુ, રણજીની રમત હજુય વખાણે,
શાન શહેરની આમ કુબેરી,
નગર જામની મજા અનેરી,
સોનાપુરી સુંદર એવું, મરણ ઉત્સવ લાગે,
જગતભરમાં દ્વારિકાની દુંદુભિઓ વાગે,
તળાવ કાંઠે રાત દિવસ છે રામનામ નો નારો,
કહે જામસાહેબ કોઇ તો જામનગર સંભારો,
હાલારીના હાડહાડમાં દિલેરી,
નગર જામની મજા અનેરી
અસર ફરો તો થશે ઘનેરી,

.......... કિંજલ્ક વૈદ્ય